دورة افهم نفسك: ما بين قِيَمك وقوّتك وتركيزك

كنت اعتقد اني فاهمه نفسي لاني أعرف صفاتي التي تعبر عني، واقدر مواهبي وقدراتي اللي أتمتع بها، تأثرت وتعلمت من تجاربي وخبراتي، لكن بعد تعمقي في مجال التنمية الذاتية تكونت عندي أسئلة كثيرة عن الذات ومنها “من أنا؟ كيف تكونت شخصيتي؟ كيف تحددت أولوياتي؟ ليش ردود فعلي مختلفة في مواقف متشابهة؟ هل عندي نقاط قوة؟ كيف اتعامل مع نقاط ضعفي؟ من وين استمد قيمتي؟ هل انا متقبله نفسي؟ هل عندي احترام لذاتي؟ هل أنا مكتفية ذاتيًا؟”

كل هذه التساؤلات ألهمتني أبحث عن الاجابات و أجرب، اكتشفت الكثير من المعلومات عن نفسي، جوانب تحتاج تطوير مثل رفع ثقتي بنفسي و جوانب تحتاج قبول مثل قبولي لاختلافي و جوانب تحتاج ممارسة مثل نقاط قوتي اللي ما كنت اعتبرها نقطة قوة . و كل هذه المعلومات شتتني لأنها كثيرة وتحتاج تركيز و وقت سواء لتطويرها او التعامل معاها.

وهذا الهمني اجمع الجوانب اللي لامستني و فهمتها طورت نفسي فيها في مكان واحد، ارجع له ، اقيم نفسي فيه و افهم الاسباب اللي وصلتني لهذا المستوى  وأبدأ بتطوير نفسي في الجوانب اللي تحتاج تطوير
حبيت أشاركك هذه التجربة لتختصر لك فهمك لنفسك مثل ما اختصرت علي رحلة فهم الذات.